[racchabanda] సంతసమవదా..

 

సంతసమవదా..

--------------------------


కం.

జలముల నుండెడి దేవిని 

జలముల కధిదైవమగుచు జగతినిఁ గాతున్
గలగల పారెడు కవితగ 

జలములనున్ బలుకఁ జేతుఁ జక్కని లయతో


జలమున నగ్నిని గాలిని 
నలరుచు నన్నింటియందు ననువుగ నుందున్
గలనో లేనో యనుకొని 

పలికిననున్ గొంతమంది పరిపరి విధులన్


తళతళ మెఱసెడి తారలు
మిలమిల వెలిఁగెడి జలములు, మృదుసుమ చయముల్
పులుగులు, తరువులు, గిరులును

వెలయును నాయంశ తోనె వివిధాకృతులన్


వెలుఁగే నేనయి యుందును 
వెలిఁగించుచుఁ బలురకాల విశ్వమునంతన్
వెలువడె నాలో నుండియె

వెలుఁగిచ్చెడు తారలన్ని విరివిగఁ జూడన్


భూతములైదును నేనే
చేతనముగ నుండు దేనె, చిత్తును నేనే
నీతియు, నియమము నేనే

ప్రీతిగఁ బలికించుదేనె విధివందితనై


నీతోఁ గలిగెను బంధము 
చేతో ముదముగ వెనుకను జేసిన తపమున్
బ్రాతిమెయిఁ బలుక నిట్టుల 

రాతిరి బవళులు మనమున రాజేశ్వరినై


అందఱి నందున నున్నను 
గొందఱికే దక్కునిట్టి కూరిమి బాసల్
కుందఁగ బనిలేదైనను 

నందించెద నాదు కృపను నన్యవిధంబున్


ఒక్కొక్కరికొక్కొక గతిఁ 
జిక్కని నాప్రేమఁ బంచి చేసెదఁ బ్రియమున్
ఎక్కువ తక్కువ లెంచను 

చక్కదనంబులను జూచి జార్చను వరముల్


శుద్ధంబైనవి తలఁపులు
ముద్దును గలిగించు నాకు, ముడుపులఁ గోరన్
వృద్ధిని నొనరిచి భక్తిని 

నిద్ధముగఁ జరించు వారి కెల్లెడ సుఖమే


అందించుచుందు నెన్నియొ 
వందించెడి భక్తతతికి బంధువులనుచున్
స్పందింతు వేడినంతనె

యెందున్ననుఁ గాచి వడిగ నెలమినిఁ దెలుపన్


జలముల దినమని నేడిలఁ

బలువురు వలుకుటను గాంచి వచియించితిటుల్
జలసంపదతోఁ బాటుగఁ
గలిగించనె సిరులనెన్నొ ఘనకరుణముతో


అన్నింటి నెదల నిలుపుచు
నున్నతినే కోరుకొనుచు నుర్వికిఁ, బ్రజకున్
మన్నించి వనరులన్నియు 

జన్నముగా బ్రతుకు గడుప సంతసమవదా



3:29 PM
03-22-2018



__._,_.___

Posted by: suprabha u <saarada@yahoo.com>
Reply via web post Reply to sender Reply to group Start a New Topic Messages in this topic (1)

Have you tried the highest rated email app?
With 4.5 stars in iTunes, the Yahoo Mail app is the highest rated email app on the market. What are you waiting for? Now you can access all your inboxes (Gmail, Outlook, AOL and more) in one place. Never delete an email again with 1000GB of free cloud storage.

To Post a message, send it to:   racchabanda@yahoogroups.com

To Unsubscribe, send a blank message to: racchabanda-unsubscribe@yahoogroups.com

.

__,_._,___

No comments: