[racchabanda] సాక్ష్యమీ తల్లియే ..

 

సాక్ష్యమీ తల్లియే ..
----------------------------

--

ద్విపద - ( చతుష్పదలుగా ) 

--

పద్యమాలలు లేవు పంచి పెట్టంగ 
హృద్యమౌ చిత్రాలె యింపుగా నిపుడు 
పద్యమ్ములిడు వారు బాట మార్చితిరి 
బాధ్యతైనటు చేయవలెనంచు జపము 
--
కొన్నాళ్ళు మాత్రమే కూర్పుకీ సెలవు 
అన్నేండ్లు నేర్పించి యమ్మగా విద్య 
చిన్నబుచ్చఁగఁ బోరు చే సాగనీక 
అన్న మాటలఁ దప్పి యలుకనీఁబోరు 
--
జపతపమ్ములతోడ శక్తిమించునట 
కృపతోడనే యందురీరీతి మార్పు 
కపటమేమియులేదు కష్టమీఁబోను 
విపులమౌ శ్రేయమే విధిగ నీకంద్రు 
--
లక్షలాదిగఁ జేయ లక్ష్యమ్ము నిడిరి
దక్షపుత్రికనెంచి దండమ్ము లొసఁగి  
శిక్షగా ననుకోక చేయుచుంటినటె 
యక్షరాకృతియైన యంబ సాయమిడ 
--
విసువు గూర్చదు నాకుఁ  బ్రీతియే సలుప
వశమౌను మది గూడ బ్రతిమాలఁ బోకె
అసిధార యైనట్టు లారాటపడదు 
పసలేని పనియంచు బలుకాడఁబోదు 
--
గురువాక్యములనెంచి కుదురుగా నుండు 
నిరతమ్ము  జపియించ నిరతియుంజూపు  
హరుసమే నాకైన నరయనా మార్పు 
సరియైన త్రోవలో సాగ నా జపము 
--
సకలజ్ఞుఁడైనట్టి సచ్చిదానందుఁ  
డకలంకమౌ ప్రేమ మందించు తలిగ
నొకదాని తరువాత నొకటి చెప్పెదరు
బ్రకటించు మంత్రమ్ము భావింపమనుచు 
--
వక్ష్యమాణము పల్కు వాణివాక్కవఁగ
లక్ష్యముం దలపోసి రహిని నిత్యమును  
లక్ష్యసిద్ధినిఁ బొందు రామనే యగుదు 
సాక్ష్యమీ తల్లియే జగతికందించు

--

సుప్రభ 
11:00 AM 
05-23-2019
  
--

ఎప్పటి మాదిరిగా, పై పద్యములు కూడా పలికించేవారు వ్రాయించినవే .
   
     

 

__._,_.___

Posted by: suprabha u <saarada@yahoo.com>
Reply via web post Reply to sender Reply to group Start a New Topic Messages in this topic (1)
To Post a message, send it to:   racchabanda@yahoogroups.com

To Unsubscribe, send a blank message to: racchabanda-unsubscribe@yahoogroups.com

SPONSORED LINKS
.

__,_._,___

No comments: